ರಾಜ್ಯ ಮಟ್ಟದ ಕೆಸರು ಗದ್ದೆ ಕಾಲ್ಚೆಂಡು ಹಾಗೂ ಹಗ್ಗ ಜಗ್ಗಾಟ ಸ್ಪರ್ಧೆ : ಎಸ್.ಈ.ಎಸ್ ಬೇತ್ರಿ ಹಾಗೂ ಮರಂದೋಡ ರಿಕ್ರಿಯೇಶನ್ ಕ್ಲಬ್ ಚಾಂಪಿಯನ್.

ಮಡಿಕೇರಿ:ಜೀ ಟೆನ್ ಬಾಯ್ಸ್ ವಯಕೋಲ್ ಇವರ ಆಶ್ರಯದಲ್ಲಿ ೬ನೇ ವರ್ಷದ ರಾಜ್ಯ ಮಟ್ಟದ ಕೆಸರುಗದ್ದೆ ಕಾಲ್ಚೆಂಡು ಪಂದ್ಯಾಟ ಹಾಗೂ ಹಗ್ಗಜಗ್ಗಾಟ ಪಂದ್ಯಾಟವು ಕುಂಜಿಲದ ಆ ಮೋಜಿ ಅವರ ಗದ್ದೆಯಲ್ಲಿ ನಡೆಯಿತು. ಕೆಸರ ಗದ್ದೆ ಕಾಲ್ಚೆಂಡು ಪಂದ್ಯದಲ್ಲಿ ಎಸ್.ಈ ಎಸ್.ಬೇತ್ರಿ ಪ್ರಶಸ್ತಿ ಪಡೆದುಕೊಂಡರೆ , ಹಗ್ಗಜಗ್ಗಾಟ ಸ್ಪರ್ಧೆಯಲ್ಲಿ ಮರಂದೋಡ ರಿಕ್ರಿಯೇಶನ್ ಕ್ಲಬ್ ಚಾಂಪಿಯನ್ ತಂಡವಾಗಿ ಹೊರಹೊಮ್ಮಿತ್ತು. ಕಾಲ್ಚೆಂಡು ಪಂದ್ಯಾಟದ ಫೈನಲ್ ಪಂದ್ಯವು ಆತಿಥೇಯ ಜೀ ಟೆನ್ ಬಾಯ್ಸ್ ವಯಕೋಲ್ ಹಾಗೂ ಎಸ್.ಈ ಎಸ್ ಬೇತ್ರಿ ತಂಡಗಳ ನಡುವೆ ನಡೆಯಿತು. ಜಿದ್ದಾಜಿದ್ದಿನ ಫೈನಲ್ ಪಂದ್ಯಾಟದಲ್ಲಿ ಆತಿಥೇಯ ಜೀ ಟೆನ್ ತಂಡವನ್ನು ೩-೨ ಗೋಲುಗಳ ಅಂತರದಿಂದ ಮಣಿಸಿ ಎಸ್.ಈ ಎಸ್ ಬೇತ್ರಿ ತಂಡವು ಪ್ರಶಸ್ತಿ ಪಡೆದುಕೊಂಡಿತು. ಆತಿಥೇಯ ತಂಡವು ದ್ವೀತಿಯ ಸ್ಥಾನಕ್ಕೆ ತೃಪ್ತಿ ಪಟ್ಟುಕೊಂಡರು. ಇದಕ್ಕೂ ಮುನ್ನ ನಡೆದ ಕಾಲ್ಚೆಂಡು ಪಂದ್ಯಾಟದ ಮೊದಲ ಸೆಮಿಫೈನಲ್ 

ಪಂದ್ಯವು ಎಸ್.ಈ ಎಸ್.ಬೇತ್ರಿ ಹಾಗೂ ಲಕ್ಕಿ ಬ್ರದರ್ಸ್ ಕುಂಜಿಲ ತಂಡಗಳ ನಡುವೆ ನಡೆಯಿತು. ಎಸ್.ಈ ಎಸ್ ಬೇತ್ರಿ ತಂಡವು ೩-೧ ಗೋಲುಗಳ ಅಂತರದಿಂದ ಗೆದ್ದಿತು. ಎರಡನೇ ಸೆಮಿಫೈನಲ್ ಪಂದ್ಯವು ಜೀ‌ ಟೆನ್ ಬಾಯ್ಸ್ ವಯಕೋಲ್ ಹಾಗೂ ಬುಲ್ಲೆಟ್ ಫ್ರೆಂಡ್ಸ್ ಕೊಂಡಂಗೇರಿ ತಂಡಗಳ ನಡುವೆ ನಡೆಯಿತು. ೩-೨ ಗೋಲುಗಳ ಅಂತರದಿಂದ ಜೀ ಟೆನ್ ವಯಕೋಲ್ ತಂಡವು ಕೊಂಡಂಗೇರಿ ತಂಡವನ್ನು ಮಣಿಸಿ ಫೈನಲ್ ಪ್ರವೇಶಿಸಿತು. ಹಗ್ಗಜಗ್ಗಾಟದ ಫೈನಲ್ ಪಂದ್ಯವು ಮರಂದೋಡ ರಿಕ್ರಿಯೇಶನ್ ಕ್ಲಬ್ ಹಾಗೂ ಜೀ ಟೆನ್ ಬಾಯ್ಸ್ ವಯಕೋಲ್ ತಂಡಗಳ ನಡುವೆ ನಡೆಯಿತು. ಮರಂದೋಡ ತಂಡವು ಜೀ ಟೆನ್ ತಂಡವನ್ನು ಸೋಲಿಸಿ ಹಗ್ಗಜಗ್ಗಾಟದಲ್ಲಿ ಪ್ರಶಸ್ತಿ ಪಡೆಯಿ. ಕೆಸರುಗದ್ದೆ ಕಾಲ್ಚೆಂಡು ಪಂದ್ಯಾಟದಲ್ಲಿ ಒಟ್ಟು ೨೪ ತಂಡಗಳು ಭಾಗವಹಿಸಿದ್ದವು. ಕಾಲ್ಚೆಂಡು ಪಂದ್ಯಾಟದ ಅತ್ಯುತ್ತಮ ಆಟಗಾರ ಎಸ್.ಈ ಎಸ್ ಬೇತ್ರಿ ತಂಡದ ಜುನೈದ್, ಅತ್ಯುತ್ತಮ ಆಲ್ ರೌಂಡರ್ ಪ್ರಶಸ್ತಿಯನ್ನು ಜೀ ಟೆನ್ ವಯಕೋಲ್ ತಂಡದ ಜಬ್ಬಾರ್ ಪಡೆದುಕೊಂಡರು.